QR Ulttyq banki 2011 jylǵy úlgidegi nomınaly 5000 teńgelik jáne 2023 jylǵy úlgidegi ózgertilgen úlgidegi 5000 teńgelik banknottardyń aınalymda qatar júrý kezeńi 2025 jylǵy 24 qyrkúıekke deıin uzartylǵanyn habarlaıdy, dep jazady Egemen.kz Ulttyq banktiń baspasóz qyzmetine silteme jasap.
Aınalymda qatar júrý kezeńi aıaqtalǵannan keıin, ıaǵnı 2025 jylǵy 25 qyrkúıekten bastap barlyq bank pen Qazposhtada 3 jyl ishinde, al QUB fılıaldary eski úlgidegi banknotalardy jańa úlgidegi banknotalarǵa merzimsiz aıyrbastaıdy.
«Aınalymda qatar júrý kezeńinde jańa úlgidegi jáne eski úlgidegi banknotalar zańdy tólem quraly bolyp qalatynyn, tólemder men aýdarymdar jasala beretinin, bank shottaryna aýdarý úshin Qazaqstan Respýblıkasynyń búkil aýmaǵynda olardyń ataýly quny saqtalatynyn jáne qabyldaýǵa jatatynyn atap ótemiz. Ol banknotalardyń barlyǵy QUB fılıaldarynda, Qazposhtada jáne elimizdegi ekinshi deńgeıli bankter men Qazaqstandaǵy beırezıdent bankterdiń fılıaldarynda esh shekteýsiz aıyrbastalady jáne aýystyrylady», dep atap ótti Ulttyq bank.
Sondaı-aq Ulttyq bank zańdy tólem quraly bolyp tabylatyn banknottar men monetalardy qabyldaýdan bas tartý ákimshilik quqyq buzýshylyq bolyp tabylatynyn eske saldy.