QR Bas prokýratýrasy men QR IIM Interpolynyń qyzmetkerleri Qazaqstan Respýblıkasy Syrtqy ister mınıstrliginiń kómegimen Túrkııa Respýblıkasynan asa iri mólsherde psıhotroptyq zattardyń analogtaryn zańsyz saqtaǵany úshin qylmystyq jaýapkershilikke tartý maqsatynda Qazaqstan azamatyn ekstradısııalady, dep habarlaıdy Egemen.kz.
Bas prokýratýranyń habarlaýynsha, Astanada 2022 jyldyń jeltoqsanynda polısııa qyzmetkerleri jedel izdestirý sharalaryn júrgizý barysynda odan asa iri kólemde, 17 qapshyqsha metkatınon tárkilegen.Qylmys jasaǵannan keıin kúdiktiniń jasyrynýyna baılanysty ol halyqaralyq izdeýge jarııalanǵan.
«Bıylǵy jyly qazanda kúdikti Antalıa qalasynda ustalyp, keıin Qazaqstan Respýblıkasyna ekstradısııalandy. Qazirgi ýaqytta kúdikti ýaqytsha ustaý ızolıatoryna qamaldy», delingen habarlamada.
Aıyptalýshynyń múlki tárkilenip, 10 jyldan 15 jylǵa deıingi merzimge bas bostandyǵynan aıyrý jazasy qarastyrylǵan.