QR Premer-mınıstri Oljas Bektenov «Rosatom» atom energııasy jónindegi memlekettik korporasııasynyń bas dırektory Alekseı Lıhachevpen kezdesý ótkizdi, dep habarlaıdy Egemen.kz.
Atom energetıkasy, kvanttyq tehnologııalar, sıfrlandyrý, sondaı-aq quzyretter men tehnologııalar almasý, kadrlyq áleýetti damytý salalaryndaǵy yntymaqtastyq máseleleri talqylandy.
Kezdesýge qatysýshylar atalǵan salalardaǵy zamanaýı tehnologııalarǵa qatysty ózekti máselelerdi qarastyrdy. Sondaı-aq salalardy odan ári damytýǵa baǵyttalǵan túrli elder sarapshylary arasyndaǵy ózara is-qımyl máseleleri atap ótildi.