Endi «eGov Mobile» qosymshasy arqyly áskerı qyzmet týraly derekterdi emin-erkin alýǵa bolady. Bul júıe «Sıfrlyq málimetter» qyzmetiniń jańartylýy arqasynda júzege asty.
Áskerı qyzmetke shaqyrý týraly aqparatty el azamattary smartfonynan tikeleı qarap, bólise alady. Atalǵan júıe derekterge qoljetimdilikti odan ári yńǵaıly ári jeńil etedi.
Qosymshanyń jańartylǵan nusqasynda eki sıfrlyq málimet qoljetimdi. Alǵashqysy, áskerı qyzmetke shaqyrý týraly, sondaı-aq shaqyrý merzimi týraly tolyq derekter. Ekinshisi, azamattyń áskerı mindetti mártebesi týraly ózekti aqparat. Turǵyndar óz málimetterin JSN nemese mobıldi azamattar bazasyna tirkelgen telefon nómiri arqyly jibere alady.
Atalǵan qyzmetti paıdalaný úshin «eGov Mobile» qosymshasy arqyly «Málimetter» bólimine ótý qajet. Sodan soń «Tarıh» bóliminde aqparattarmen tanysyp, derekterdi berýge ruqsat berý nemese suraý salýdy qabyldamaý batyrmasyn basý kerek.
Bul júıeni Qorǵanys mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip ázirledi.