Aqtóbe oblysy Muǵaljar aýdanynyń prokýratýrasy mektepke deıingi uıymdarda 54 mln teńgeden astam bıýdjet qarajatyn zańsyz ıemdenip alý derekterin anyqtady, dep habarlaıdy Egemen.kz Bas prokýratýranyń baspasóz qyzmetine silteme jasap.
Prokýratýranyń málimetinshe, «Balaýsa», «Gúlder», «Shapaǵat» jáne «Araı» balabaqshalarynyń esepshileri basshylarynyń atynan qujattarǵa qol qoıyp, ózderiniń esep-shottaryna zańsyz aqshalar aýdarǵan.
«Barlyq kórsetilgen derekterge qatysty aýdan prokýratýrasymen býhgalterlerge qatysty QK-tiń 189-babynyń 2 jáne 4-bólikterimen (senip tapsyrylǵan bóten múlikti ıemdenip alý nemese talan-tarajǵa salý) sotqa deıingi tergep-tekserýler bastaldy», delingen habarlamada.
Sotqa deıingi tergep-tekserý nátıjesinde, «Shapaǵat» jáne «Araı» balabaqshalarynyń býhgalterlerimen jalpy somasy 5 mln teńgeden astam shyǵyndardy óteýlerine baılanysty, qylmystyq ister óndiristen toqtatylǵan.
«Atalǵan balabaqsha býhgalterine 49 mln teńge qarajatty zańsyz ıemdený derekterine qatysty sot úkimi shyǵyp, ol 7 jylǵa bas bostandyǵynan aıyryldy», dep habarlady oblystyq sottyń baspasóz qyzmeti.