Memleket basshysynyń bastamasymen júzege asyrylyp jatqan «Jaıly mektep» ulttyq jobasy aıasynda Astana qalasy men Jambyl oblysynda 2000 jáne 1200 oqýshyǵa arnalǵan zamanaýı eki mektep ashyldy, dep habarlaıdy Egemen.kz.
Bul mektepter ozyq tehnıkamen jabdyqtalǵan oqý kabınetterinen bastap, erekshe bilim berý qajettilikteri bar balalar úshin qoljetimdi ortaǵa deıin joǵary zamanaýı standarttarǵa sáıkes keledi.
Sondaı-aq, birneshe ashana, keń sport zaldary, akt zaldary, kitaphanalar, lıngafon jáne kompıýterlik kabınetter, zerthanalar, sheberhanalar men kovorkıng-ortalyqtar qarastyrylǵan. Bilim alýshylarǵa robototehnıka kabınetteri, STEM-zerthanalar jáne oqytýǵa arnalǵan basqa da ınnovasııalyq keńistikter qoljetimdi. Balalardyń qaýipsizdigi beınebaqylaý kameralary, týrnıketter jáne dabyl túımeleri arqyly qamtamasyz etiledi.
Aıta keteıik, bul Astanada salynǵan 10-shy jaıly mektep, al Jambyl oblysynda — úshinshi mektep. Jyl basynan beri Qazaqstanda 91 myń oryndyq 35 jaıly mektep paıdalanýǵa berildi.