Túrkııanyń Denızlı provınsııasynyń Saraıkeı qalasynda jolaýshylar avtobýsy júk kóligimen soqtyǵysyp, saldarynan bir adam kóz jumdy. Odan bólek 20 jolaýshy jaraqat alǵan, úsheýiniń jaǵdaıy aýyr, dep habarlaıdy Egemen.kz.
Oqıǵa aýdandaǵy negizgi tas joldardyń birinde bolǵan. Soqtyǵystyń qatty bolǵany sonsha, keıbir jolaýshylar avtobýstyń ishinde qysylyp qalǵan. Zardap shekkender kólikterinen evakýasııalanyp, jaqyn mańdaǵy aýrýhanalarǵa jetkizilgen.
Oqıǵanyń naqty sebebi áli anyqtalyp jatyr. Aldyn ala boljam boıynsha, oqıǵaǵa júrgizýshilerdiń biriniń abaısyzdyǵy nemese joldyń qolaısyzdyǵy sebep bolýy múmkin.