Sholý maǵlumatty sala mınıstrligi jarııa etti, dep habarlaıdy Egemen.kz.
Short-trek: Beıjińde (Qytaı) World Tour kezeńinde Qazaqstan áıelder komandasy estafetada qola júlde (álemdik týrda jeńip alǵan alǵashqy júlde) ıelendi. El namysyn Malıka Ermek, Alına Ajǵalıeva, Iаna Han men Olga Tıhonova qorǵady.
Konkımen júgirý: Polshanyń Tomashýv-Mazovesk qalasynda jasóspirimder arasyndaǵy Álem kýbogi kezeńinde Arına Ilıashenko 500 metr qashyqtyqty 41.30 sekýndta júgirip ótip, kúmis medal ıegeri atandy. Sonymen qatar Anastasııa Belovodova men Mıhaıl Matrıýhın aralas estafetada úshinshi orynǵa ıe boldy.
Para sport: Malaızııada uıymdastyrylǵan estý qabileti nashar sportshylar arasynda H Azııa-Tynyq muhıty oıyndarynda Qazaqstan quramasy sporttyń 6 túrinen 66 medal (17 altyn, 25 kúmis jáne 24 qola) jeńip aldy.
Tennıs: Latvııanyń Aızkraýkle qalasynda jasóspirimder arasyndaǵy ITF J100 týrnırinde Zańǵar Nurlanuly chempıon atandy. Álemdik reıtıngte 77-orynda turǵan otandasymyz fınalda Nıderland ókili Haıde Shonmarksty jeńdi – 6:3, 6:2.
Aralas jekpe-jek: AQSh-tyń Las-Vegas qalasynda UFC 310 týrnırinde Shavkat Rahmonov (19-0) ırlandııalyq faıter Ien Gerrımen jekpe-jekke shyǵyp, tóreshilerdiń biraýyzdan qabyldaǵan sheshimimen jeńiske jetti.