Júzden júırik shyqqan serjant

Baıqaýda Qarýly kúshterdiń 118 úzdik serjanty baq synady. Olar – óz áskerı bólimderinde, ásker túrleri men tekterinde irikteý jarystarynan top jaryp, aqtyq kezeńge qatysýǵa joldama alǵandar.

Ásilbek osy konkýrsta jeńis­ke jetý úshin kóp eńbektendi. Aldyn ala jattyǵýlar jasap, sa­ıys barysynda tabandylyq pen qaısar minez kórsetti. Osylaı­sha, ol óziniń áskerı bóliminde, sodan soń «Ońtústik» óńirlik qolbasshylyǵynda úzdik ekenin dáleldedi. Otan qorǵaıtyn ja­ýynger qaı kezde de myqtyly­ǵyn kórsetip júrý kerek.

Irikteý jarystarynda Ásilbek erekshe dene jat­ty­ǵý­larymen kópshilikti tánti etip qoımaı, sonymen qatar áskerı tarıh salasynda da tereń bilimi bar ekenin baıqatty. Onyń eń­bekqorlyq qasıeti men óz isine degen adaldyǵy jarysta jeńis­ke jetýine sebepshi boldy. Degen­men saıystyń sońǵy kezeńderi bar­lyq qatysýshyǵa birdeı óte qıyn­ǵa soqqanyn mo­ıyndaý kerek.

Jarys barysynda serjant Ásilbek Qarabaı «Aıbyn» ás­kerı-sport kesheninde birqa­tar jaýyngerlik, sporttyq sy­naq­tardan ótti. Bul keshende áske­rıler 100 metr, 3 shaqyrym qa­shyqtyqqa júgirdi, kermede tartylyp, qoıan-qoltyq urys­tan jekpe-jekke shyqty. Atal­ǵan synaqtar tek fızıkalyq kúsh­ti ǵana emes, eptilikti, tózimdi­lik pen strestik jaǵdaılarda tez sheshim qabyldaı bilýdi qajet etetini belgili.

Jambyl oblysynda orna­las­qan «Aısha bıbi» polıgonyn­da Ásilbek «Qaısar» áskerı-kásiptik kesheninde saıysty. On­da ol qıy­lysqan jerler bo­ıynsha uzaq qashyqtyqqa júgi­rý­den jarys­ty. Munda da sar­baz óziniń qarýmen ­oq atý, granata laqtyrý sheberli­gin kórsetti, óziniń joǵary kásibıli­­gin taǵy bir márte dáleldep, mergen­der vzvodynyń serjanty laýazymyna laıyqty ekenine kúmán qaldyrmady. Sondaı-aq serjanttar «Kerýen sherýi» dep atalatyn taǵy bir synaqtan ótti. Bul er azamattardyń naǵyz tózimdiligin sarapqa salǵan jarys boldy. Sol baıqaýda úmitkerler 10 sha­qyrym qashyqtyqty salmaǵy 15 kılolyq sómkeni arqalanyp eńserdi.

Al «Seri» ádebı-kórkemóner baıqaýynda Ásilbek pen onyń qarsylastary áskerı daıyndyq mashyqtarynan bólek ártúrli óneri men talanttaryn ortaǵa saldy. Bul baıqaýda qatysýshy­lar ózderiniń shyǵarmashylyq qabileti boıynsha ózara baq synasty.

Sonymen, Ásilbek Qarabaı­dyń «Úzdik vzvod serjanty» atalymyn jeńip alýy – onyń jeke marapaty ǵana emes, áskerı bó­lim men «Ońtústik» óńirlik qol­basshylyǵynyń da úlken jetis­­tigi. Sóz joq, áriptesiniń bıik tu­ǵyr­dan kórinýi onyń qyzmettes­te­rine úmit pen jiger syılady. Qazirgi tilmen aıtqanda, qa­ra­paıym ser­janttyń jarys­taǵy jeńisi qasyn­daǵy áriptesteri­ne tek alǵa umtylýǵa keremet motıvasııa berdi.

«Ásilbek Qarabaı – óz kási­bi­ne naǵyz adal jan, talapty da eń­bekqor adam. Múmkin osy qasıet­­teriniń arqasynda bolar, ol baı­­qaýdaǵy synaqtardan súrin­beı ótip, úlken maqsaty­na qol jet­kizdi, jeńimpazdyń en­digi jetis­tigin basqa áriptesteri de jal­ǵas­­tyrar degen úmittemiz», dedi áskerı bólim basshylyǵy.

ShYMKENT