86 keli salmaqta óner kórsetetin qazaq boksshysy Bekzat Nurdáýletov Azııa chempıonatynyń fınalynda ózbekstandyq Jasýrbek Iýldoshevty jeńdi, dep habarlaıdy Egemen.kz.
Bekzattyń 2024 jylǵy chempıonattyń fınaldyq kezdesýindegi qarsylasy 22 jasqa deıingi jastar arasyndaǵy Azııa chempıony ózbekstandyq Jasýrbek Iýldoshev boldy. Nurdáýletov jekpe-jekte myqty bolyp, tóreshilerdiń ekige bólingen sheshimimen basymdyqqa ıe bolyp, ózbekstandyqty «kúmispen» qaldyrdy.
Esterińizge sala keteıik, Bekzat Nurdáýletov áýesqoı boksshy retinde 2019 jylǵy álem chempıony jáne 2016 jylǵy jastar arasyndaǵy álem chempıonatynyń qola júldegeri atandy. 2020 jyldan 2022 jylǵa deıin ol professıonaldarda óner kórsetti, onyń rekordynda jeńilissiz alty jekpe-jek (eki nokaýtpen jeńis) bar.
Aıta keteıik, buǵan deıin 75 kelige deıingi salmaqta óner kórsetken Dıas Moljigitov Azııa chempıonatynyń fınalynda óner kórsetip, Qazaqstanǵa besinshi kúmisti ákeldi.
Sondaı-aq qazaqstandyq boksshy Abylaıhan Júsipov 71 kelige deıingi salmaq dárejesinde Azııa chempıonatynda fınaldyq kezdesý ótkizip, týrnırdiń júldegeri atandy.
Al Dýlat Bekbaýov Chıangmaıda (Taıland) ótken Azııa chempıonatynda erler quramasyna kúmis medal saldy.