AShM Agroónerkásiptik keshendegi memlekettik ınspeksııa komıtetiniń tóraǵasy para alǵany úshin sottaldy, dep habarlaıdy Egemen.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
«Qostanaı qalasynyń №2 sotynyń úkimimen Aýyl sharýashylyǵy mınıstrligi Agroónerkásiptik keshendegi memlekettik ınspeksııa komıtetiniń tóraǵasy D. Ábdikárimov orta qaýipsizdikti túzeý mekemesinde merzimin óteı otyryp, 3 jyl 6 aıǵa bas bostandyǵynan aıyrýǵa sottaldy», delingen habarlamada.
Ol jeke kompanııalardyń basshysy S. Ospanovtan shegirtkege qarsy pestısıdterdi jetkizý jónindegi qyzmetterdi memlekettik satyp alý shartyn jasaǵany úshin 4,4 mln teńge somasynda para alǵany úshin kináli dep tanylǵan.Sot S. Ospanovqa 3 jylǵa bas bostandyǵynan aıyrýdy taǵaıyndaǵan. Sonymen qatar, sottalǵandarǵa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıy tyıym salynady. Sot úkimi zańdy kúshine engen joq.