Bıylǵy jyldyń qańtar-qyrkúıeginde Astanaǵa 1 097 413 adam keldi, olardyń basym bóligin ishki týrıster quraıdy, dep habarlaıdy Egemen.kz elorda ákimdiginiń resmı saıtyna silteme jasap.
2024 jyly týrıster Astanaǵa burynǵyǵa qaraǵanda 12 paıyzǵa kóp keldi. 1 097 413 adamnyń 261 964-i nemese 23,9 paıyzy – sheteldikter.
«Astanaǵa eń úlken týrıstik aǵyn jaz aılarynda tirkeldi. Sonymen, maýsymda qalaǵa 757 068 adam kelse, olardyń sany shildede – 807 219, tamyzda – 829 627 adamǵa jetip, bul bir jyldaǵy eń joǵary kórsetkishke ıe boldy», delingen habarlamada.
Astana iri halyqaralyq is-sharalardy ótkizý alańyna aınaldy. Bıyl elordada «Automechanika Astana 2024», «Eurasian Book Fair», Astana Half Marathon halyqaralyq kórmeleri, áıgili Dat akteri Mads Mıkkelsenniń qatysýymen «Comic Con» zamanaýı gık-mádenıet festıvali, 5-shi dúnıejúzilik kóshpendiler oıyndary, Dımash Qudaıbergenniń konserti, «Enactus World Cup 2024» stýdenttik kásipkerlik boıynsha Enactus Álem kýbogi, grepplıngten álem chempıonaty jáne t. b. sııaqty iri is-sharalar ótti.