Qostanaıda Ánel Baımurzına esimdi jedel járdem feldsheri shaqyrtý kezinde keleńsiz oqıǵaǵa tap bolyp, aýrýhanadan biraq shyqqan, dep habarlaıdy Egemen.kz.
Feldsherdiń aıtýynsha, oqıǵa túngi aýysymda bolǵan. Jedel járdem qyzmetkerlerine entigý men júrekke baılanysty shaǵym aıtqan turǵynnan shaqyrtý túsken.
«Aıtylǵan mekenjaıǵa keldik. Shaqyrtqan adamdar bizdi agressıvti túrde qarsy aldy. О́z jumysymyzdy bastap, naýqasqa alǵashqy medısınalyq kómek kórsete bastadyq. Biraq onyń qyzdary bizge kedergi jasap, eger birdeńe istesek, bizdi qarǵaıtynyn, túrmege otyrǵyzatynyn aıtyp, qoqan-loqy kórsetti. Keıin naýqastyń tynys alýy men júrek soǵysy toqtap qaldy, biz reanımasııalyq sharalar júrgize bastadyq. 30 mınýt boıy tyrystyq, alaıda reanımasııalyq sharadan nátıje bolmaǵan. Sol kezde naýqastyń qaıtys bolǵanyn aıtyp, kóńil aıttyq. Dál sol sátte olar maǵan shabýyldap, tepkilep, shashymnan tartyp, ura bastady», dedi zardap shekken feldsher Alau.kz-ke.
Jedel járdem júrgizýshisi kórshi páterge júgirip, polısııa shaqyrýdy ótingen.
Ánel Baımurzınanyń aıtýynsha, onyń mıy shaıqalyp, samaıynda gematoma paıda bolǵan. Feldsher aýrýhanaǵa jatqyzylyp, artynsha polısııaǵa shaǵym túsirgen.
«Alǵashqy medısınalyq kómek kórsetý kezinde úı ıeleri men medısına qyzmetkerleri arasynda janjal bolǵany anyqtaldy. Janjal barysynda 41 jáne 51 jastaǵy áıelder feldsherge dene jaraqatyn salǵan», dep túsindirdi oblystyq PD qyzmetkerleri.
Qazirgi ýaqytta is boıynsha tergeý amaldary júrgizilip jatyr, sot-medısınalyq saraptama taǵaıyndaldy.