Testileýge 167 myń talapker qatysady

Ulttyq biryńǵaı tes­tileý ortalyǵynyń taratqan aqpa­ra­tyna súıensek, qańtar aıyn­daǵy UBT 13 qańtar men 10 aqpan aralyǵynda ótedi. Buǵan deıingi talapkerlerge berilip kelgen múmkindikter bıyl da tolyǵymen saqtalady, tar­qatyp aıtqanda, testi­le­nýshiler ótinish berý barysynda UBT tapsyratyn kúnin, ýaqytyn jáne pýnktin tańdaı alady. Sonymen qatar testileý kezinde kalkýlıator, hımııa­lyq elementter­diń perıodtyq júıe­si (Men­deleev kestesi) jáne tuz­dardyń erigishtik kestesi testi­leý baǵdarlamasyn qoldanýǵa quqy­ly. Test tap­syrýshylardyń testi­leý aıaq­talǵannan keıin 30 mınýt ishinde apellıasııaǵa bir­den ótinish berýge de qaqy bar. Ser­tı­fıkat appelıasııalyq ko­mıs­sııanyń sheshiminen keıin ta­lap­kerdiń jeke kabınetinde shyǵady.

UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha. UBT tapsyrmalar sany – 120. Munyń ishinde «Qazaqstan tarıhynan» 20 tapsyrma, «Oqý saýattylyǵynan» 10 tapsyrma, «Matematıkalyq saýattylyqtan» 10 tapsyrma jáne ekibeıindi pán boıynsha 40 tapsyrmadan turady. Joǵary ball – 140, bul da ózgerissiz qaldy.

Testileý ýaqyty – 4 saǵat (240 mınýt). Bul rette erekshe bilim berý qajettilikteri bar balalar úshin usynylatyn qosymsha 40 mınýt ýaqyt saqtalatynyn aıta ketý kerek.

Esterińizge sala ketsek, qań­tardaǵy UBT-ǵa shartty túrde aqyly negizde kúndizgi oqý nysany boıynsha joǵary oqý oryn­daryna qabyldanǵan, jazǵy UBT nátıjeleri boıynsha shekti ball jınamaǵandar, shy­ǵar­mashy­lyq baǵyttan basqa daıyndyq baǵyttaryna, pedago­gı­kalyq baǵytqa aqyly negizde aýysqysy keletinder, sondaı-aq mektep bitiretin túlekter joǵary oqý oryndaryna aqyly negizde túsý úshin qatysady.