Bas prokýratýranyń qyzmetkerleri iri mólsherdegi alaıaqtyq qylmys jasaǵan kúdiktini Qazaqstannyń Belarýstegi Elshiliginiń kómegimen qylmystyq jaýaptylyqqa tartý maqsatynda elge qaıtardy, dep habarlaıdy Egemen.kz vedomstvonyń baspasóz qyzmetine silteme jasap.
Kúdikti 2022 jyldyń qańtarynan 2023 jyldyń tamyzyna deıingi kezeńde Túrkistan qalasynda bir top adam bolyp áreket etip, kásip ashý úshin tegin aqshalaı grant alýǵa kómektesemiz degen syltaýmen 13 azamattyń qarajatyn urlaǵan. Nátıjesinde, olarǵa 10 mıllıon teńgeden iri mólsherde shyǵyn ákelgen.
«Bul qylmystyń sybaılasy sottalǵan, al kúdikti zańsyz áreket jasaǵannan keıin qashyp ketken jáne halyqaralyq izdeýge jarııalanǵan. 2024 jyldyń qazan aıynda ol Belarýste ustalyp, Qazaqstan Bas prokýratýrasynyń ótinishi boıynsha otanyna ekstradısııalandy. Qazir kúdikti Astanadaǵy tergeý ızolıatoryna qamaldy», dep habarlady Bas prokýratýranyń baspasóz qyzmeti.
Bul qylmysty jasaǵany úshin oǵan múlkin tárkileý arqyly úsh jyldan jeti jylǵa deıin bas bostandyǵynan aıyrý túrinde jaza qarastyrylǵan.