Almaty oblysy boıynsha Memlekettik qyzmet isteri agenttiginiń óńirlik departamentiniń jańa basshysy, Ádep jónindegi keńes tóraǵasy laýazymyna Nursultan Seıdalıev taǵaıyndaldy, dep habarlaıdy Egemen.kz oblys ákimdiginiń baspasóz qyzmetine silteme jasap.
Jıynǵa Memlekettik qyzmet isteri agenttigi tóraǵasynyń orynbasary Salaýat Múksimov qatysty.
Salaýat Múksimov óz sózinde Nursultan Seıdalıevtiń memlekettik qyzmet salasyndaǵy kópjyldyq tájirıbesin jáne basqarýshylyq qabiletin atap ótip, onyń jańa qyzmette oblystaǵy memlekettik qyzmet sapasyn jaqsartýǵa úlken úles qosatynyna senim bildirdi.
О́z kezeginde Nurjan Qudaıbergenov jańa basshyǵa sáttilik tilep, oblys ákimdigi tarapynan óńirdegi memlekettik qyzmet sapasyn arttyrý men ádep standarttaryn nyǵaıtýǵa qajetti qoldaý kórsetiletinin jetkizdi.
Nursultan Seıdalıev óńirdegi memlekettik qyzmetti damytý, sybaılas jemqorlyqqa qarsy is-qımyl jáne etıkalyq normalardy saqtaý baǵytyndaǵy jumystardy jalǵastyratynyn málimdedi.
Shara barysynda qatysýshylar Nursultan Seıdalıevtiń taǵaıyndalýy óńirdegi memlekettik qyzmet sapasyn arttyrýǵa serpin beretinine senim bildirgen.