Astanadan Qaraǵandyǵa barǵan tórt adam taksı qunyn tólemes úshin dittegen jerine jetken soń júrgizýshisin soqqyǵa jyǵyp ketken, dep habarlaıdy Egemen.kz.
Jedel basqarý ortalyǵyna qaladaǵy turǵyn aýdandardyń birinde er adamǵa shabýyl jasalǵany týraly habarlama tústi. Oqıǵa ornyna birinshi bolyp patrýldik polısııa ekıpajdary jetti.
39 jastaǵy jábirlenýshi – elorda turǵynynyń aıtýynsha, tórt er adamdy Qaraǵandyǵa jetkizgen. Jol boıy jolaýshylar ózderin sabyrly ustaǵan. Alaıda dittegen jerine jetken olar aqsha tóleýdiń ornyna júrgizýshige shabýyl jasap uryp-soǵyp jaqyn mańda jasyrynýǵa tyrysqan.
«Sıpattamany basshylyqqa alǵan patrýldik polısııa qyzmetkerleri kóp uzamaı qashqyndardy qylmys bolǵan jerdiń janynan tapty. Er adamdar monshany panalaǵan. 34-37 jas aralyǵyndaǵy kúdiktilerge qatysty sotqa deıingi tergeý bastaldy. Tergeý olardy osy qylmysty jasaýǵa ıtermelegen sebepterdi anyqtaý kerek», delingen oblystyq PD habarlamasynda.