Bokstan Qazaqstan erler quramasynyń bas bapkeri Qaırat Sátjanov Sport+ arnasyna suhbat berip, Sáken Bıbosynov pen Aslanbek Shymbergenovtiń bokstaǵy bolashaǵy týraly baıandady, dep jazady Egemen.kz.
Bas bapker 51 kelidegi ulttyq qurama múshesi Sáken Bıbosynov aldaǵy jalpykomandalyq jattyǵý jıyndaryna qatyspaıtynyn málimdedi.
Parıj Olımpıadasynan keıin sharshy alańǵa kóterilmegen Aslanbek Shymbergenovtiń de josparlarymen bólisti.
«Sáken Azııa chempıonaty aldynda arqasynan jaraqat alyp qalǵan edi, sondyqtan ol aldaǵy jıyndarǵa qatyspaıdy. Al Aslanbek oblystar arasyndaǵy chempıonatqa nazar aýdarmaq. Biraq kelesi jyly chempıon bolyp jatsa, ony qurama sapynan kórýimiz ábden múmkin», dedi Qaırat Sátjanov.