Almaty qalalyq Ádilet departamenti keshe, 2025 jyldyń 21 qańtary kúni Apple taýar belgilerin zańsyz paıdalanyp kelgen «D» kásipkerlik sýbektisine qatysty jospardan tys tekserý júrgizgen kezde, 1300-den astam kontrafaktilik ónim anyqtaldy, dep jazady Egemen.kz.
О́ıtkeni, buıymdardyń sapasy kúmán týdyryp, óndiris ornynyń resmı shyǵý tegi joq ekeni baıqalǵan. Jalǵan taýarlardyń jalpy somasy 5 600 000 teńgeden asady.
О́z kezeginde Ádilet departamenti zııatkerlik menshikti qorǵaý men kontrafaktilik ónimniń aınalymyna jol bermeýge erekshe nazar aýdaryp otyr. Kontrafaktilik ónim quqyq ıelenýshilerge, tutynýshylarǵa ǵana emes, jalpy ekonomıkaǵa zııan keltiretini aıan.
Qazirgi ýaqytta atalǵan is boıynsha barlyq materıaldar Qazaqstan Respýblıkasynyń qoldanystaǵy zańnamasyna sáıkes prosessýaldyq sheshimder qabyldaý úshin sotqa jiberildi.
Almaty qalalyq Ádilet departamenti quqyq ıelenýshilerdiń quqyqtaryn qorǵaý jáne kásipkerlik qyzmette zańdylyqty qamtamasyz etý maqsatynda zııatkerlik menshik salasyndaǵy zań buzýshylyqtardy anyqtaý jáne aldyn alý boıynsha jumysyn jalǵastyrady.