Keshe túnde Soltústik Qazaqstannyń Shal aqyn aýdanyndaǵy Stýpınka aýylynda jekemenshik úıde órt shyǵyp, bes jan mert boldy.
О́rt sóndirýshiler jetkende jalyndaǵan ot qaharyna minip alǵan eken. Úıdegi eki eresek jáne úsh jas balany qutqarý múmkindigi bolmaǵan. О́rt sóndirý qyzmeti 104 sharshy metrdi jalmaǵan órtti tek tań ata ǵana tolyq sóndire alǵan.
Oqıǵa ornyna oblys ákiminiń birinshi orynbasary M.Tasmaǵanbetov, TJD bastyǵy, polkovnık J.Asqarov kelip jetti. Qazir órttiń sebebi anyqtalyp jatyr.
Oblys ákimdiginiń baspasóz qyzmetiniń habarlaýynsha otbasynyń bir balasy Petropavl qalasyndaǵy kolledjde oqıdy eken. Oblys ákimdigi onyń oqýyna barlyq jaǵdaı jasalatynyn aıtty. Jataqhanadan tegin oryn usyný, oqý aqysyn tóleý, materıaldyq kómek jáne turǵyn úı kezegine qoıý, sonymen birge týystarynyń birine qamqorlyqqa berý máselesi qarastyrylady. Ázirge oǵan psıhologııalyq kómek berilip jatyr.
Soltústik Qazaqstan oblysy