Ulybrıtanııada jańa jumys kestesine marketıng, tehnologııa jáne qaıyrymdylyq sektorlaryndaǵy uıymdar kóshti, dep habarlaıdy Egemen.kz The Guardian basylymyna silteme jasap.
«4 Day Week Foundation» qorynyń dırektory Djo Raıldyń aıtýynsha, jańa jumys kestesi kompanııalar men qyzmetkerler úshin óte tıimdi. Tórt kúndik apta adamdarǵa «baqytty jáne qanaǵattanarlyq» ómir súrýge múmkindik beredi.
Alaıda, mundaı sheshimmen shtab-páterleri AQSh-ta ornalasqan kompanııalar kelispegen. Máselen, Amazon kompanııasynyń qyzmetkerleri aptasyna bes kún keńsege kelýdi talap etken.
Spark Market Research Ulybrıtanııada zertteý júrgizip, jas qyzmetkerlerdiń dástúrli jumys úlgilerine qarsy turýy yqtımal ekenin anyqtaǵan. Nátıjesinde 18-34 jas aralyǵyndaǵy respondentterdiń kópshiligi 2030 jylǵa qaraı qysqartylǵan jumys aptasy barlyǵy úshin tıimdi bolady dep tujyrymdaǵan.
Aıta keteıik, jańa kestege aýysqan qyzmetkerlerdiń jalaqysy ózgermeıdi.