Túrkııanyń Shanlyýrfa provınsııasynda oryn alǵan aýyr jol apatynan úsh adam qaza taýyp, 22 adam túrli jaraqat aldy, dep habarlaıdy Egemen.kz NTV arnasyna silteme jasap. Oqıǵa 2 aqpan kúni Máskeý ýaqytymen saǵat 22:00 shamasynda Bırejık aımaǵynda bolǵan.
Aldyn ala málimetterge sáıkes, júk kóliginiń tejegishi isten shyǵyp, ol aldyndaǵy birneshe jeńil kólikti soqqan. Sonyń saldarynan kólikter Evfrat ózeniniń ústindegi kópirden qulap ketken.
Jergilikti bılik ókilderiniń habarlaýynsha, apattan qaza tapqandar men jaraqat alǵandardyń barlyǵy Túrkııa azamattary. Qaıtys bolǵan eki er adamnyń jeke basy anyqtalsa, úshinshi marqum áıeldiń kim ekeni anyqtalyp jatyr.
Qazirgi ýaqytta oqıǵa ornynda jol polısııasy, medısına qyzmetkerleri men órt sóndirýshiler jumys istep, apatqa qatysty tergeý amaldary júrgizilip jatyr.