Onyń bul áreketi beınebaqylaý kamerasyna túsip qalǵan, dep jazady Egemen.kz.
Oqıǵa túnde qaladaǵy shaǵyn aýdannyń birinde bolǵan. Oblystyq polısııa basqarmasynyń habarlaýynsha, júrgizýshi shaqyrtylǵan meken-jaıǵa dosymen kelgen. Olar sapar barysynda jolaýshymen janjaldasyp, kólikten túsip uryp-soqqan. 19, 22 jastaǵy qala turǵyndary jolaýshynyń quny 650 myń teńge turatyn telefonyn tartyp alǵan.
Polısııa isti tergeý barysynda kúdiktilerdiń telefondy bólshektep 100 myńǵa satyp jibergenin anyqtaǵan.
«Tonaý deregi boıynsha sotqa deıingi tergeý bastaldy. Sondaı-aq olardyń basqa da qylmystarǵa qatysy bar-joǵy tekserilip jatyr», delingen polısııa habarlamasynda.