Soltústik Qazaqstan oblysynyń 62 jastaǵy turǵynynyń aǵzalary týystarynyń ruqsatymen 4 adamǵa salyndy, dep habarlaıdy Egemen.kz.
SQO densaýlyq saqtaý basqarmasy baspasóz qyzmetiniń málimetinshe, 62 jastaǵy óńir turǵyny aýrýhanaǵa ınsýltpen jetkizilip, komaǵa túsken. Dárigerler ınsýlt saldarynan onyń mıynyń ólgenin rastady. Medısınalyq brıgada jáne transplantasııa úılestirýshisimen sóıleskennen keıin er adamnyń týǵan-týystary aǵza donorlyǵyna kelisim berdi, osylaısha qajetti aǵzany kútý tiziminde turǵan 4 syrqattyń ómirin uzartty.