Atyraý oblysynda jyl basynan beri turmystyq zorlyq-zombylyqqa qatysty 30 qylmystyq is tirkelip otyr. Onyń ishinde 12 qylmystyq is sotqa joldandy.
Oblystyq polısııa departamenti anyqtaý basqarmasynyń anyqtaýshysy, polısııa podpolkovnıgi Darhan Buljanovtyń aıtýynsha, áıelder men balalardyń quqyqtary men qaýipsizdigin qamtamasyz etýge basymdyq berilgen.
«Memleket basshysy byltyrǵy 15 sáýirde «Qazaqstan Respýblıkasynyń keıbir zańnamalyq aktilerine áıelderdiń quqyqtary men balalardyń qaýipsizdigin qamtamasyz etý máseleleri boıynsha ózgerister men tolyqtyrýlar engizý týraly» zańyna qol qoıdy. Osyǵan baılanysty densaýlyqqa qasaqana jeńil zııan keltirý, uryp-soǵý sııaqty quqyq buzýshylyqtar úshin qylmystyq jaýapkershilik kózdeledi. Máselen, Atyraý oblysynyń aýmaǵynda jyl basynan beri otbasyndaǵy turmystyq zorlyq-zombylyq deregimen 30 qylmystyq is tirkeldi. Onyń ishinde QR Qylmystyq Kodeksiniń 108-1-babymen 6, al 109-1-babymen 24 derek bar. Tergep-tekserýdiń nátıjesimen 12 qylmystyq is sotqa joldandy. Qylmystyq-prosestik kodeksiniń 128-baby boıynsha 5 kúdikti ustalyp, qamaýǵa alyndy» dep habarlady Darhan Buljanov.