Stepnogorsk qalasynyń 24 jastaǵy aıaǵy aýyr turǵyny Kókshetaýdaǵy týberkýlezge qarsy dıspanserge túsip, sol jerde kóz jumdy, dep habarlaıdy Egemen.kz.
Aqparatty Aqmola oblysynyń densaýlyq saqtaý basqarmasy rastady. Vedomstvonyń málimetinshe, áıel adam 2024 jyldyń shildesinde aýyryp qalǵan, biraq medısınalyq kómekke júginbeı, ózin-ózi emdeýmen aınalysqan.
«2024 jyldyń jeltoqsan aıynda ol Stepnogorsk qalasyndaǵy «Vıamedıs» JShS-ǵa tirkelip, júktiligine 13 apta 5 kún bolǵanda esepke alyndy. Naýqas 2025 jyldyń qańtar aıynda Stepnogorsk kópsalaly qalalyq aýrýhanasynyń juqpaly aýrýlar bólimshesine oń jaqty tómengi bólik pnevmonııasy dıagnozymen shuǵyl túrde jatqyzyldy. Ol kezde júktilik 15 aptalyq bolatyn», - dep habarlady vedomstvodan.
Keıinirek áıel adamnyń ókpe týberkýlezi bakterııalyq ekskresııamen aýyrǵany anyqtalyp, oblystyq ftızıopýlmonologııalyq ortalyqqa jatqyzýǵa jiberildi. Alaıda, naýqas bastapqyda emdeýden úzildi-kesildi bas tartty, biraq 17 qańtardaǵy túsindirýden keıin aýrýhanaǵa jatqyzyldy.
20 aqpanda týystarynyń talaby boıynsha áıel qolhatpen úıine shyǵaryldy. Alaıda 21 aqpanda onyń jaǵdaıy kúr nasharlap ketti. Qatty entigý jáne aıaǵynda aýyrsyný paıda boldy. 22 aqpanda kúıeýi ony qaıtadan aýrýhanaǵa aparyp, naýqas shuǵyl túrde jatqyzyldy.
Dárigerlerdiń barlyq kúsh-jigerine qaramastan, áıel adamda jedel júrek-qan tamyrlary jetkiliksizdigi paıda bolyp, aýrýhana tóseginde qaıtys boldy.