67 kelide el namysyn qorǵaǵan Tórehan Sabyrhan kishi álem chempıonatyna balanǵan «Strandja» halyqaralyq týrnıriniń úzdik boksshysy atandy, dep jazady Egemen.kz.
Týrızm jáne sport mınıstrligi Sportty damytý dıreksııasynyń habarlaýynsha, «Strandja kýboginde» buǵan deıin el boksshylarynan eshkimge bul ataq buıyrmaǵan. Osylaısha, Tórehan Sabyrhan - «Strandja kýboginde» úzdik boksshy atanǵan alǵashqy qazaq atanyp otyr.
19 jastaǵy bylǵary qolǵap sheberiniń eresekter arasyndaǵy synǵa qosylǵanyna 1 jyl tolǵan joq.
Týrnır fınalynda ol Ázerbaıjan ókiline qarsy judyryqtasty. Tartysqa toly básekeniń eki raýnd qorytyndysynda esep teńesip turǵanmen, sheshýshi synda otandasymyz jeńiske laıyqty ekenin dáleldedi.