Tótenshe jaǵdaılar mınıstrliginiń anyqtaý basqarmasynyń úılestirýimen Astana qalasynyń Tótenshe jaǵdaılar departamenti 2024 jylǵy maýsymda bolǵan jataqhanadaǵy órt faktisi boıynsha sotqa deıingi tergeýdi aıaqtady, dep habarlaıdy Egemen.kz.
Eske salaıyq, 2024 jylǵy maýsymda Astanadaǵy jataqhanada órt shyǵyp, saldarynan úsh adam, onyń ishinde bir kámeletke tolmaǵan bala qaıtys boldy.
Tergeý QR Qylmystyq kodeksiniń 292 – baby 3-bóligi: eki jáne odan da kóp adamnyń abaısyzda ólimine ákep soqqan órt qaýipsizdigi talaptaryn buzý boıynsha júrgizildi.
Tótenshe jaǵdaılar mınıstrliginiń baspasóz qzymetiniń málimdeýinshe jataqhana ıesi sharttar men qajetti qujattardy rásimdemeı bólmelerdi zańsyz tapsyrǵany anyqtalǵan. О́rt qaýipsizdigi talaptary týraly túsindirme júrgizetin qyzmetkerlerdi elemeı, olardyń talaptaryna qulaq aspaǵan, ǵımaratta órtten qorǵaý quraldary bolmaǵan.
Sot talqylaýy barysynda sottalýshynyń kinási kýágerlerdiń aıǵaqtarymen, sarapshylardyń qorytyndylarymen jáne qylmystyq istiń basqa materıaldarymen dáleldendi.
Astana qalasynyń qylmystyq ister jónindegi aýdanaralyq sotynyń sheshimimen ol kináli dep tanylyp, 5 jylǵa bas bostandyǵynan aıyryldy.
Úkim zańdy kúshine engen joq.