13 adam qaza tapqan jataqhanadaǵy órtke qatysty aıyptalýshy ALA Hostel dırektory Ádilbek Muhamedıarovqa qatysty bultartpaý sharasy jeńildetilgen sharaǵa ózgertildi, dep habarlaıdy Egemen.kz.
Is Almaly aýdandyq sotynda qaralyp jatyr. ALA Hostel dırektory Ádilbek Muhamedııarov pen «Gıdservıs» kompanııasynyń ıesi Aleksandr Pekelnıkke QR Qylmystyq kodeksiniń 292-baby 3-bóligi (О́rt qaýipsizdigi talaptaryn buzý, abaısyzda eki nemese odan da kóp adamnyń ólimine ákelý) boıynsha aıyp taǵylǵan.
Sýdıa Ernar Qasymbekov Ádilbek Muhamedıarovqa qatysty bultartpaý sharasyn neǵurlym jeńil – úıqamaqqa ózgertý týraly sheshim shyǵarǵan. Sondaı-aq onyń málimdeýinshe, prosess alty aıdan beri jalǵasyp keledi. QR Qylmystyq-prosestik kodeksiniń 342-babyna sáıkes, eger ortasha aýyr qylmysqa qatysty aıyptalýshy alty aıdan astam ýaqyt qamaýda otyrsa, sot bultartpaý sharasyn úıqamaqqa nemese basqa jeńil sharaǵa ózgertýge mindetti.
Esterińizge sala keteıik, 2023 jylǵy 30 qarashada Almaty qalasy, Sharıpov kóshesi, 86 mekenjaıynda ornalasqan «Almaty Hostel» ǵımaratynda órt bolyp, 13 adam qaza tapqan. Olardyń ekeýi – О́zbekstan, ekeýi – Reseı, qalǵany – Qazaqstan azamattary bolǵan.