Ulttyq kitaphanada Qazaqstannyń Halyq jazýshysy, Memlekettik syılyqtyń laýreaty, I dárejeli «Dostyq», «Parasat» ordenderiniń ıegeri Tumanbaı Moldaǵalıevtiń 90 jyldyq mereıtoıyna arnalǵan «Júregi jyrdan jaralǵan» atty ádebı-mýzykalyq kesh ótti, dep habarlaıdy Egemen.kz.
Is-sharanyń maqsaty – aqynnyń shyǵarmashylyǵyn nasıhattaý, ádebı murasyna qurmet kórsetý jáne onyń óleńderine degen jastardyń súıispenshiligin arttyrý.
Kesh barysynda ǵalymdar, ádebıettanýshylar, jazýshylar men aqyndar Tumanbaı Moldaǵalıevtiń qazaq poezııasyna qosqan úlesi jaıynda oı bólisip, arnaý óleńderin oqydy.
Jıyn aıasynda kitaphana qorynan «Tumanbaı jyry – óshpes mura» atty kitap kórmesi uıymdastyrylyp, aqynnyń shyǵarmalary, estelikteri, ánder jınaǵy men fotosýretteri qoıyldy. Sondaı-aq qazaq estradasynyń tanymal ónerpazdary aqyn sózine jazylǵan ánderdi oryndady.