Qazaqstan Ulttyq akademııalyq kitaphanasynda «Qusnıhat: Ortalyq Azııadaǵy ıslam kallıgrafııasy» atty kórme ótti. Kórmeni uıymdastyrýǵa Parlament Senaty qoldaý bildirip, Musylman aqsaqaldar keńesi Ortalyq Azııa keńsesi uıytqy bolǵan dep jazady Egemen.kz.
Kórme Ortalyq Azııadaǵy ıslam kallıgrafııasynyń tarıhı jáne rýhanı murasyn nasıhattaýǵa baǵyttalǵan.
Kórmeniń saltanatty ashylýyna Senat depýtattary, ǵalymdar, zııaly qaýym ókilderi jáne kallıgrafııa sheberleri qatysty. Qonaqtar kóne jazý óneriniń túrli sıpatymen tanysty jáne onyń mán-mańyzyn baǵalady. Konferensııa aıasynda túrkııalyq professor Metın Akar men ózbekstandyq kallıgrafııa sheberi Habıbolla Salıev baıandama jasap, osy óner túriniń erekshelikteri týraly aıtyp berdi. Sonymen qatar, Ulttyq qoljazbalar jáne sırek kitaptar ortalyǵynda sheberlik sabaqtary ótkizildi.
«Qusnıhat – ıslam mádenıetiniń mańyzdy quramdas bóligi. Bul kórme men konferensııa ónerdiń damýyna yqpal etedi. Kallıgrafııa – ǵasyrlar boıy qalyptasqan óner men rýhanııattyń aınasy. Ol tek estetıkalyq sulýlyq kórinisi ǵana emes, tarıhy tereń rýhanı máni bar. Búgin biz bul qundy murany saqtap, keleshek urpaqqa jetkizý jónindegi mindetimizdi áıgilep otyrmyz. Mádenı muramyzdy qorǵaý – barshamyzdyń ortaq boryshymyz jáne osyndaı sharalardy mádenıet salasyndaǵy mańyzdy qadam retinde baǵalaımyn», dedi Darhan Qydyráli.