Joǵarǵy Sot Atyraý oblysynda maqsatsyz paıdalanylǵan jer telimin menshik ıesinen májbúrlep alyp qoıý týraly sheshimdi kúshinde qaldyrdy, dep habarlaıdy Egemen.kz.
JShS 2014 jyldan beri jer telimin ıelenip kelgen. 2023 jyly JShS-ǵa jer zańnamasynyń buzylýyn joıý týraly uıǵarym shyǵarylǵan. Bir jyldan keıin qaıtalap júrgizilgen tekseriste jer teliminiń ıgerilmegeni anyqtalǵan.
«Birinshi satydaǵy sot Atyraý oblysynyń jer resýrstaryn basqarý jónindegi departamenttiń menshik ıesinen maqsaty boıynsha paıdalanylmaı jatqan jer telimin májbúrlep alyp qoıý týraly talap qoıýyn qanaǵattandyrǵan. Alaıda, apellıasııa JShS-nyń uıǵarymdy oryndaý (jobalaý-qurylys jumystaryn júrgizýge shart jasaý jáne sáýlet-josparlaý tapsyrmasyn kelisý) boıynsha sharalar qabyldaǵanyn alǵa tartyp, bul sheshimniń kúshin joıǵan. Biraq bul sharalar jer telimin ıgerýdiń bastapqy bóligi bolyp tabylady», delingen habarlamada.
Aıta keteıik, jer kodeksiniń (JK) 94-babynda jer ýchaskesin nysanaly maqsaty boıynsha paıdalaný sharalaryn qabyldaý úshin bir jyl merzim kózdelgenin eskere otyryp, bul sharalar is júzinde uıǵarym shyǵarylǵanǵa deıin qabyldanýy tıis.
Joǵarǵy Sottyń azamattyq ister jónindegi sot alqasy isti qaraı otyryp, mynalardy kórsetti:
Eger jobalyq-smetalyq qujattamada basqa merzim kózdelmese jáne ýchaske jeke turǵyn úı qurylysyna arnalmaǵan bolsa, jer ýchaskesin ıgerý ony bólý týraly sheshim qabyldanǵan kúnnen bastap 3 jyl ishinde júzege asyrylýy tıis; Shart jasasý jáne qujattamany bekitý ýchaskeni ázirlengen dep taný úshin jetkilikti negiz bola almaıdy; Jer ýchaskesinde is júzinde ony ıgerý úshin qandaıda bir qurylys bastalmaǵan, bul Jer kodeksiniń 92-babynyń talaptaryna qaıshy keledi.Nátıjesinde Joǵarǵy Sot maqsaty boıynsha paıdalanylmaı jatqan jer ýchaskesin májbúrlep alyp qoıý isi boıynsha birinshi satydaǵy sottyń sheshimin qalpyna keltirdi.