Osy kúni dúnıe júziniń basym bóligi metrlik ólshemderdi (metr, kılogramm, lıtr) qoldanady. Bul – halyqaralyq standartqa aınalǵan júıe. Degenmen, bir tańǵalarlyǵy, álemde áli kúnge deıin osy tártipke tolyq ótpegen úsh memleket bar. Olar – Mıanma, Lıberııa jáne Amerıka Qurama Shtattary.
AQSh-ta metrlik júıe zań júzinde usynylǵanymen, ony qoldaný mindetti emes. Kúndelikti ómirde olar ózderiniń dástúrli ólshemderin, ıaǵnı dıýım, fýnt, mıl sııaqty birlikterdi paıdalanady. Tek ǵylym men tehnıkada ǵana metrlik standarttar keńinen qoldanylady. Mıanma men Lıberııa da tarıhı sebepterge baılanysty dástúrli ólshem júıelerinen bas tartpaǵan. Biraq bul memleketterde keıingi jyldary metrlik júıege kóshýge degen talpynys baıqalyp jatyr.