Kóktem jasóspirimderdiń tún mezgilderinde úıge kirgisi kelmeı, kezbelik jasaıtyn qaýipti shaǵy.
Petropavlda polısııa jedel-profılaktıkalyq «Jasóspirim» is-sharasyn júrgizý barysynda bir keshte ǵana kámeletke tolmaǵan 34 balanyń tún kezip júrgenin anyqtady. Ondaılardyń birazy túnniń biraz mezgili boıy jumys isteıtin kafelerde, túngi klýbtarda ustalǵan.
Beımezgil kezbelik jasaý jasóspirimderdi jasalýy múmkin qylmystar men quqyq buzýshylyqtarǵa alyp keletin negizgi faktorlardyń biri.
Mundaılardyń ata-analaryna aıyppul salynady. 17 jastaǵy sondaı balanyń isi sotqa jiberildi. Ol udaıy sabaqqa kelmeı jáne ákimshilik quqyq buzýshylyqtar jasaǵan.
PETROPAVL