Almatyda ótken shahmattan Azııa chempıonatynda elordalyq mekteptiń 10 synyp oqýshysy úzdik nátıje kórsetti. Temirbek Júrgenov atyndaǵy № 70 mektep-lıseıdiń atynan qatysqan Ańsat Aldııar altyn medal jeńip alyp, Úndistan astanasynda ótetin álem chempıonatyna joldama aldy, dep habarlaıdy Egemen.kz.
Jarysqa О́zbekstan, Túrikmenstan, Tájikstan, Qyrǵyzstan, Aýǵanstan jáne Qazaqstannyń eń myqty jas shahmatshylary qatysty. Eleýli básekelestikke qaramastan, astanalyq 15 jasar oqýshy Ortalyq Azııanyń eń zııatty shahmatshylarynyń biri ekenin dáleldep, týrnırdiń absolıýtti jeńimpazy atandy.
Bul Ańsattyń alǵashqy halyqaralyq jetistigi emes. Buǵan deıin ol Azııa jáne álem chempıonattarynyń júldegeri atanyp júrgen edi.