Qytaı men Ortalyq Azııa elderin ǵasyrlar boıy qalyptasqan tarıhı, mádenı jáne rýhanı sabaqtastyq baılanystyrady.
Bul taǵdyrlastyq búginde strategııalyq seriktestik pen aqparattyq yqpaldastyqqa ulasyp otyr. Qazirgi qubylmaly zamanda halyqtardyń ózara túsinistigi men senimdi áriptestigi burynǵydan da mańyzdy bola tústi.
2023 jyly QHR Tóraǵasy Sı Szınpın «Ortaq taǵdyr qaýymdastyǵy» tujyrymdamasyn usyndy. Bul bastama jahandyq turaqsyzdyq pen aqparattyq qaýip-qaterler kezeńinde elderimizdiń birlesip áreket etýine tyń serpin berdi. Aqparat tek jańalyq emes, ol qoǵamdy qalyptastyratyn, kózqarasty baǵyttaıtyn kúshke aınaldy. Sol sebepti de senimdi aqparat kózderiniń mańyzy artyp otyr.
Osy turǵyda Qytaıdyń «China Media Group» holdıngi men Ortalyq Azııa elderiniń aqparat quraldary arasyndaǵy yntymaqtastyq kún sanap damyp keledi. 2018 jyly negizi qalanǵan CGTN arnasy búginde 82 tilde aqparat taratady. Naqtylyq pen parasattylyq ustanymyn berik ustanatyn bul medıa qurylym álemdik aýdıtorııaǵa ýaqtyly, shynaıy aqparat usynyp otyr.
CGTN men Ortalyq Azııa elderiniń jetekshi BAQ ókilderi arasynda ótkizilgen onlaın-forýmdar, pikir almasý alańdary, birlesken jobalar – aımaqtaǵy medıa yqpaldastyqtyń naqty kórinisi. Qytaı men Qazaqstan, Qyrǵyzstan, О́zbekstan, Tájikstan arasyndaǵy joǵary deńgeıdegi aqparattyq baılanys halyqtar arasyndaǵy ózara senimdi arttyryp, mádenı almasýǵa jol ashyp keledi.
Byltyr Astana sammıti aıasynda Qytaı men Ortalyq Azııa elderi gýmanıtarlyq baǵyttaǵy birqatar is-shara ótkizdi. Bul jobalar tek aqparat almasýdy emes, sonymen qatar ortaq qundylyqtardy tanýǵa, baıytýǵa, halyqtardyń bir-birin jaqynyraq tanýyna yqpal etti.
Qytaıdyń halyqaralyq medıa platformalarynda qurylǵan eýrazııalyq jańalyqtar taratý júıesi – aımaqtyq yntymaqtastyqtyń naqty nátıjesi. Bul bastama 2 myńǵa jýyq jazylýshyny biriktirip, aqparat keńistigine sapaly kontent usynýdy jolǵa qoıdy.
Biz «Asian-Broadcasting Union»-ǵa Ázerbaıjan men Tájikstan sekildi memleketterdi de belsendi jumys isteýge shaqyramyz. Sonymen qatar tildik kedergilerge qaramastan, tehnologııalyq sheshimder arqyly aqparattyq almasýdyń tıimdi formatyn jolǵa qoıady júzege asyra aldyq.
Qytaı men Ortalyq Azııanyń aqparat quraldary arasynda qalyptasqan bul yntymaqtastyqty ortaq bolashaǵymyzdy birge qurýǵa baǵyttalǵan senimdi ári mazmundy áriptestik der edim.
Dın IýN,
CGTN bas redaktorynyń orynbasary