Ulttyq memlekettik kitap palatasynyń qoldaýymen, Ál-Farabı atyndaǵy Qazaq ulttyq ýnıversıteti Baspagerlik-redaktorlyq jáne dızaınerlik óner kafedrasynyń uıymdastyrýymen «Jasandy ıntellekt dáýiri: Baspa isi, medıa jáne dızaın» atty I Halyqaralyq kóktemgi mektep óz jumysyn bastady, dep habarlaıdy Egemen.kz.
Atalǵan is-shara Ulttyq kitap kúnine oraı uıymdastyryldy. Kóktemgi mektepke BAQ ókilderi, baspa salasynyń mamandary, joǵary oqý oryndarynyń oqytýshylary, sondaı-aq Bangladesh, Ázerbaıjan, Tájikstan, Qytaı, Mońǵolııa jáne Reseı elderinen kelgen stýdentter, magıstranttar men doktoranttar qatysyp jatyr.
Kóktemgi mektep barysynda medıa mátindi redaksııalaý tehnologııalary, medıadızaındaǵy jańashyldyq, kitap ındýstrııasyndaǵy jasandy ıntellektiń róli, faktchekıng jáne aqparatty verıfıkasııalaý, medıaetıka men medıasaýattylyq, sondaı-aq digital jýrnalıstıkanyń ózekti máseleleri talqylanady.
Baǵdarlama aıasynda halyqaralyq uıym ókilderiniń, tanymal baspa mamandary men jýrnalısterdiń sheberlik synyptary ótkiziledi.
Kýrs sońynda qatysýshylarǵa 72 saǵattyq arnaıy sertıfıkat tabystalady.