Qazaqstandaǵy Kıbershabýyldardy taldaý jáne zertteý ortalyǵy áleýmettik jelilerde jasandy ıntellekt kómegimen ázirlengen jalǵan vıdeomaterıaldar tarap jatqanyn málimdedi, dep jazady Egemen.kz aqparat agenttigi.
Mamandar qazaqstandyqtardy arandatýshylyq áreketterge ermeýge jáne aqparattyń shynaıylyǵyn muqııat tekserýge shaqyrady.
Qazaqstandaǵy Kıbershabýyldardy taldaý jáne zertteý ortalyǵy jasandy ıntellekt quraldarynyń kómegimen daıyndalǵan, oblys ákimderi men basqa da sheneýnikterdiń beıneleri beınelengen jalǵan vıdeorolıkterdiń anyqtalǵanyn habarlady.
Atalǵan materıaldar kóptegen bottardyń kómegimen áleýmettik jelilerde taralyp, 7 jáne 9 mamyr kúnderi ótetin ruqsat etilmegen aksııalarǵa («Máńgilik polk», «referendým» jáne taǵy basqa) qatysýǵa úgitteýmen qatar júrýde. Aksııaǵa qatysqandarǵa aqshalaı syıaqy usynylatyny aıtylǵan.
Osyǵan baılanysty ortalyq áleýmettik jelilerdegi kez kelgen aqparattyń shynaıylyǵyn muqııat tekserýge keńes beredi. Jalǵan aqparattyń qoǵamda dúrbeleń týǵyzýǵa baǵyttalǵany atap ótildi.
Qosa berilgen vıdeoda jasandy ıntellekt arqyly ázirlengen jalǵan beınematerıaldyń mysaly kórsetilgen.