Astana qalasyndaǵy «Nurorda» mektep-lıseıinde IC3 halyqaralyq óńirlik forýmy ótti. Oqý-aǵartý mınıstrligi men IC3 ınstıtýtynyń birlesken jobasy Jumysshy mamandyqtary jyly aıasynda uıymdastyrylyp otyr. «Counseling as a Culture» taqyrybyn arqaý etken forýmǵa elimizdiń túkpir-túkpirinen kelgen kásibı baǵdar berýshilermen qatar, Úndistan, AQSh, Ulybrıtanııa, Italııa, Qytaı, Kanada, Gonkong, О́zbekstan, Tájikstan, Qyrǵyzstan elderinen sheteldik sarapshylar, joǵary oqý oryndarynyń ókilderi, oqýshylar men ata-analar qatysty. Forým aıasynda paneldik sessııalar, bilim jármeńkesi, sheberlik sabaqtary men mádenı baǵdarlamalar ótti.
Forým aıasynda oqýshylar sheteldik jáne otandyq oqý oryndarynyń bilim baǵdarlamalarymen tanysyp, kásibı baǵdar berýshi mamandardan keńes aldy. IC3 ınstıtýtynyń jahandyq jelisine qosylǵan otandyq mamandar kásibı baǵdar berý isin halyqaralyq standarttarǵa saı damytý, ony mektep mádenıetiniń turaqty bir bóligine aınaldyrý baǵytynda tájirıbe almasty.
Forýmnyń ashylýynda sóz sóılegen Oqý-aǵartý vıse-mınıstri Edil Ospan kásibı baǵdar berýdiń bilim júıesindegi rólin erekshe atap ótti. Onyń aıtýynsha, qazirgi tańda elimizde 1200-den astam kásibı baǵdar berýshi jumys isteıdi, al aldaǵy oqý jylynan bastap bul mamandyq barlyq mektepte mindetti shtat retinde bekitiledi. Bul – oqýshynyń bolashaq mamandyǵyn sanaly túrde tańdaýyna baǵyttalǵan qadam.
«Kásibı baǵdar berý – búgingi tańda bilim salasynyń strategııalyq baǵytyna aınalyp otyr. Mınıstrlik bıyl naýryz aıynda buıryqqa qol qoıyp, kelesi oqý jylynan bastap barlyq mektepte kásibı baǵdar berýshi mamandardyń jumys isteýi mindetteldi. Qazirgi ýaqytta el mektepterinde shamamen 1200 kásibı baǵdarshy bar bolsa, aldaǵy oqý jylynda bul kórsetkish 8000-ǵa deıin jetedi dep otyrmyz. Kásibı baǵdar berýdiń negizgi mindetteri oqýshylardyń beıimine qaraı dıagnostıka júrgizý, ata-analarmen jumys isteý jáne oqýshyǵa durys baǵyt berý. Bul baǵytta kásibı baǵdar berýshi maman oqýshyǵa bir ǵana emes, birneshe balama jol usyna otyryp, onyń múmkindigin tolyq ashýǵa kómektesedi. Al IC3 forýmy – halyqaralyq tájirıbeni elimizge ákelýdiń biregeı múmkindigi. Biz kásibı baǵdardy tek qosymsha qyzmet emes, mekteptegi mádenıettiń bir bóligi retinde damytýymyz kerek», dedi Edil Ospan.
«Bilim – ınnovasııa» halyqaralyq qoǵamdyq qorynyń prezıdenti Darhan Ermahanuly kásibı baǵdar berýdiń mańyzyna toqtaldy. Onyń aıtýynsha, búgingi tańda daryndy oqýshylarymyzǵa halyqaralyq jáne otandyq deńgeıde teń múmkindik usyný – basty mindetterdiń biri. Al bul úshin eń aldymen kásibı baǵdar berýdiń mańyzyn túsinetin, zamanaýı talaptarǵa saı maman daıarlaý qajet ekenin atap ótti.
«Biz IC3 ınstıtýtymen birlesip, ekinshi ret osyndaı óńirlik halyqaralyq forým uıymdastyryp otyrmyz. Bul – kásibı baǵdar berý máselesine arnalǵan, halyqaralyq qoǵamdyq forým aıasyndaǵy mańyzdy is-shara. Jalpy, bul forýmnyń bereri óte kóp. Sebebi árbir oqýshy, árbir qazaq balasy – daryndy. Biz buǵan senemiz. Sondyqtan olar mamandyqty sanaly túrde tańdaı bilýi úshin mundaı forýmdar dál qazir aýadaı qajet», dedi ol.
Sonymen qatar Darhan Ermahanuly Memleket basshysynyń «Adal adam – adal eńbek – adal tabys» qaǵıdatyn alǵa tarta otyryp, mamandyqtardy damytý máselesin únemi nazarda ustaıtynyn aıtty. «Bıyl elimizde «Jumysshy mamandyqtar jyly» dep jarııalandy. Osy baǵytta Oqý-aǵartý mınıstrligi óńirlik forýmdardy turaqty túrde ótkizip keledi. Bul – elimizdegi bilim salasynyń jahandyq úrdisterge saı damyp kele jatqanynyń aıqyn dáleli. Biz de osy qozǵalystyń bir bólshegi retinde jaýapkershilikti sezinemiz», dedi ol.
Edil Ospannyń aıtýynsha, mınıstrlik qazirgi tańda kásibı jáne tehnıkalyq bilim berý salasyn jańǵyrtý boıynsha keshendi sharalar qabyldaǵan. Bul rette Memleket basshysynyń tapsyrmasyna sáıkes, mınıstrlik jol kartasyn ázirlep, jeti negizgi baǵyt boıynsha naqty jumystardy qolǵa alǵan. Olar: oqý baǵdarlamalaryn jańartý, kolledjderdi ınternasıonaldandyrý, materıaldyq-tehnıkalyq bazany jetildirý, óndiristik tájirıbege basymdyq berý.
Qazirgi tańda respýblıka boıynsha 700-den astam tehnıkalyq jáne kásiptik bilim berý uıymy jumys isteıdi. Olardyń barlyǵy jumysshy mamandar daıarlaýǵa baǵyttalǵan. Jasóspirimderdiń bul salaǵa qyzyǵýshylyǵy artyp keledi, al jumysshy mamandyqtarynyń ekonomıkalyq mańyzy kún sanap arta otyr. Mınıstrlik ókili bul baǵytty ári qaraı júıeli túrde damytatynyn jetkizdi.
Forýmǵa elimizdiń túkpir-túkpirinen kelgen jetekshi mektep-lıseılerdiń kásibı baǵdar mamandary, túrli salanyń bilikti mamandary men oqý oryndarynyń ókilderi jınaldy. Sondaı-aq Úndistan, Tájikstan, О́zbekstan, Qyrǵyzstan, Anglııa, AQSh, Eýropa elderinen kelgen qonaqtar qatysyp, ózderiniń ozyq tájirıbelerin bólisti. Bilim berý uıymdary óz rızashylyqtaryn bildirip, mundaı aýqymdy is-sharanyń oqýshylardyń bolashaǵyn baǵdarlaýda, bilim ordalary arasyndaǵy yntymaqtastyqty arttyrýda mańyzy zor ekenin atap ótti.
«Búgingi bilim keńistigi qarqyndy ózgerip, oqýshylarǵa kásibı baǵdar berý úderisi kún tártibindegi eń mańyzdy máselelerdiń birine aınalyp otyr. Jas urpaqtyń bolashaǵyn durys baǵyttaý – tek ata-ananyń ǵana emes, barlyq taraptyń ortaq mindeti. Bul forým — oqýshylarǵa kásibı baǵdar berýdi júıeleý, oqý oryndary arasyndaǵy baılanystardy nyǵaıtý jáne jańa seriktestik múmkindikterin qarastyrý turǵysynan mańyzdy alań. Temirtaý joǵary polıtehnıkalyq kolledjiniń osy forýmǵa qatysýy — kolledjimizdiń halyqaralyq áriptestikti keńeıtý jolyndaǵy taǵy bir sátti qadamy boldy. Uıymdastyrýshylarǵa alǵys bildiremiz», dedi kolledj basshysy Saltanat Aqbergenova.
Oqýshylar da forýmnyń bereri mol bolǵanyn erekshe atap ótti. Olardyń aıtýynsha, kásibı baǵdar berý taqyrybyna arnalǵan bul is-shara bolashaq mamandyǵyn sanaly túrde tańdaýǵa baǵyt siltep qana qoımaı, túrli oqý oryndarymen jáne ózge óńirden kelgen qurdastarymen pikir almasýǵa múmkindik bergen.
Forým aıasynda barlyǵy 1500-den astam qatysýshy bas qosty. Olardyń qatarynda elimizdiń barlyq óńirinen kelgen mektep dırektorlary, kásibı baǵdar berýshi mamandar, joǵary oqý oryndary men kolledjderdiń ókilderi, ata-analar men oqýshylar boldy. Atap aıtqanda, 600-ge jýyq oqýshy forým jumysyna belsene qatysyp, ózderin qyzyqtyrǵan suraqtarǵa jaýap alyp, bolashaq mamandyǵyn tańdaýǵa qatysty qundy tájirıbe jınady.