Mýzykalyq prodıýser Honkon 10 jyl boıy «Ferrari 458 Spider» alý úshin aqsha jınaǵan. Alaıda 10 jylǵy eńbegi 2 saǵatta kóz aldynda kúlge aınaldy.
Honkon jańa kóligin ala sala jolǵa shyqqan. Biraq qýanyshy kópke sozylmady. Kólik nebári bir saǵattan keıin órtenip ketti. Tokıodaǵy avtobanda júrip kele jatqanda, kólikten tútin shyǵyp, keıin órt tutanǵan. Sodan keıin ol kólikti toqtatyp, syrtqa shyǵyp, 20 mınýt boıy kóliginiń qalaı kúlge aınalǵanyna qarap turǵan.