Qazaqstanda respýblıkalyq jáne oblystyq mańyzy bar 41 qalanyń jartysynan astamynda sońǵy bir jylda halyq sany qysqarǵan. Bul týraly Birinshi nesıe bıýrosy janyndaǵy taldaý ortalyǵy habarlady, dep jazady Egemen.kz.
Halyq sany eń kóp qysqarǵan qala – Qonaev. Munda turǵyndar sany 8,2%-ǵa kemip, 66 myń adamǵa tústi. Qonaev qalasy 2022 jyly oblys ortalyǵy mártebesin alǵanymen, turǵyndar sany óspegen.
Osyndaı qalalardyń qatarynda Semeı (5,1 paıyzǵa) men Baıqońyr (3,6%) da bar. Arqalyq, Kýrchatov, Prıozersk, Stepnogorsk, Rıdder, Arys, Shahtınsk jáne Tekeli qalalarynda da halyq sany 1%-dan kóp qysqarǵan.
Halyq sany ósken qalalardyń qataryna Qosshy kiredi. Munda turǵyndar sany 8,3%-ǵa artqan. Astana halqy 6,9%-ǵa kóbeıip, 1,55 mıllıonǵa jetti. Túrkistan men Aqtaýda da halyq sany sáı-kesinshe 4,4% jáne 4,3% ósken. Almaty men Shymkentte ósim 2,7%-ǵa teń boldy.
Aıta keteıik, Almaty, Astana jáne Shymkent qalalarynda halyq sany ósip keledi. Al shaǵyn qalalarda turǵyndar sany qysqarǵan. Bul úrdis eldiń ýrbanızasııasy men ekonomıkalyq damýyna baılanysty ózgeristerdi kórsetedi.
Janel TО́LEÝBEKOVA, EUÝ 2 kýrs stýdenti