Fransııanyń Kan-an-Rýssııon qalasynda ótken bedeldi halyqaralyq týrnırde el namysyn qorǵaǵan júzýshi Ádilbek Mýsın eki qashyqtyqta júldegerler qatarynan kórindi, dep jazady Egemen.kz.
Ulttyq olımpıada komıtetiniń málimetinshe, otandasymyz jarystyń alǵashqy kúni 100 metr qashyqtyqqa batterflıaı ádisimen júzýde márege ekinshi jetken.
Ol 50 metr qashyqtyqqa batterflıaı ádisimen júzýden de fınalǵa ótip, osy baǵdarlamada kúmis medal jeńip aldy. Osylaısha, Ádilbek Mýsın halyqaralyq týrnırdiń qos kúmisin qanjyǵalady.
Aıta keteıik, buǵan deıin Ádilbek Mýsın el chempıonatynda 50 metrge batterflıaı ádisimen júzýde Qazaqstannyń jańa rekordyn ornatqan bolatyn.