Áýesqoı boks tarıhyndaǵy eń myqty boksshylardyń tizimi jarııalandy. Bul rette bylǵary qolǵap sheberleriniń jeńisi men jeńilisteri sany esepke alyndy. Úzdikter tiziminde Gennadıı Golovkın ekinshi orynda tur. GGG óz mansabynda 345 ret jeńiske jetip, 5 kezdesýde ǵana utyldy. Kósh basynda – ýkraınalyq Vasılıı Lomachenko. Ol 397 jekpe-jektiń tek bireýinde jeńilis tapty. Úzdik úshtikti Aleksandr Ýsık túıindep tur. Ýkraınanyń maqtanyshy 335 básekede basymdyq tanytyp, 15-inde ese jiberdi. Sondaı-aq TOP-10-dyqtyń qatarynda Felıks Savon (358 jeńis, 17 jeńilis), Gılermo Rıgondo (374-12), Oskar de la Hoıa (223-5), Teofılo Stıvenson (302-20), Donald Karrı (404-4), Laslo Papp (301-12), Roı Djons (212-13), Rıchard Maktaggart (610-24), Shýgar Reı Robınson (86-0), Kıd Chokolate (100-0) syndy jýan judyryqty jigitter bar.
Fýtboldan Qazaqstan chempıonatynyń 9-týr oıyndary mynadaı nátıjelermen aıaqtaldy: «Qaırat» – «Oqjetpes» 1:2, «Astana» – «Jeńis» 4:2, «Oqjetpes» – «Ulytaý» 0:1, «Jetisý» – «Aqtóbe» 2:1, «Qyzyljar» – «Elimaı» 1:1, «Atyraý» – «Qaısar» 1:2, «Turan» – «Tobyl» 1:2. Taldyqorǵanda jeńilgenine qaramastan «Aqtóbe» áli de kósh basynda keledi. Olardyń enshisinde 25 upaı bar. Ekinshi, úshinshi oryndarda – «Astana» (24 upaı) men «Qaırat» (23 upaı). Eń sońǵy orynda – «Atyraý» (4 upaı).
Reseılik Sofıa Lanseremen jup qurǵan Sandýǵash Kenjebaeva Qytaıdyń Maanshan qalasynda uıymdastyrylǵan ITF týrnırinde top jardy. Fınalda olar Meıkı Go (Qytaı)/Peangtarn Plıpýechti (Taıland) 6:3, 3:6, 10:8 esebimen utty. Bul – Sandýǵashtyń bıylǵy maýsymdaǵy tórtinshi tıtýly. Buǵan deıin qazaq tennısshisi Túrkııanyń Antalıasynda ótken úsh týrnırdiń juptyq saıysynda bas júldeni oljalaǵan edi.
Fýtboldan elimizdiń ulttyq quramasy 5 maýsymda Belarýspen joldastyq kezdesý ótkizip, 9 maýsymda álem chempıonatynyń irikteý týrnıri aıasynda Soltústik Makedonııaǵa qarsy oınaıdy. Osy matchtarǵa bas bapker Álı Álıev myna oıynshylardy shaqyrtty: Qaqpashylar – Muhammedjan Seısen («Astana»), Aleksandr Zarýskıı («Qaırat»), Stas Pokatılov («Sabah», Ázerbaıjan), Bekhan Shaızada («Ordabasy»); Qorǵaýshylar – Álibek Qasym («Aqtóbe»), Iаn Vorogovskıı, Marat Bystrov («Astana»), Nuraly Álip («Zenıt», Reseı), Roman Asranqulov, Aleksandr Zýev, Naýryzbek Jagorov («Tobyl»), Erkin Tapalov («Qaırat»), Sergeı Malyı, Ular Jaqsybaev, Sultanbek Astanov («Ordabasy»), Ádilbek Jumahanov («Elimaı»); Jartylaı qorǵaýshylar – Ashat Taǵybergen, Islam Chesnokov («Tobyl»), Ramazan Orazov («Sılkeborg», Danııa), Baqtıer Zaınýtdınov («Beshıktash», Túrkııa), Aıbol Ábiken («Qaısar»), Serikjan Mujyqov, Almas Túlebaı («Elimaı»), Ǵalymjan Kenjebek («Koshıse», Slovakııa), Damır Marat, Dáýren Jumat («Oqjetpes»), Islambek Qýat, Dinmuhamed Qaraman («Jeńis»), Georgıı Jýkov («Pýsha» Polsha), Mýrodjon Halmatov, Zıkrıllo Sultanııazov («Ordabasy»); Shabýylshylar – Abat Aıymbetov («Adana Demırspor», Túrkııa), Maksım Samorodov («Ahmat», Reseı), Aıbar Jaqsylyqov («Qaısar»), Dastan Sátpaev («Qaırat»), Alııar Muhamed («Oqjetpes»).