ASTANA. 21 maýsym. Japonııanyń «Softbank» telekommýnıkasııalyq kompanııasy emosııalardy aıyryp tanı alatyn «Pepper» robotyn satylymǵa shyǵaryp, sezimtal tehnıkanyń 1 myń danasy bir saǵat ishinde satylyp ketti. Bul týraly «QazAqparat» habarlady.
Árbir robottyń quny 213 myń 840 ıendi (shamamen 1.8 myń dollar) quraıdy.
Sezimtal robot sóılep, áńgimelese alady. Adamnyń qas-qabaǵyna qarap, onyń kóńil kúıin seze biledi. Sondaı-aq, «Pepper» eń qarapaıym tapsyrmalardy oryndap, úı sharýasyna kómektesedi. Eń bastysy ol jalǵyzbasty adamdarǵa kómekshi bola alady.
Aıta keteıik, robotty «Softbank» pen «Aldebaran Robotics SAS» birge jasap shyǵardy. Mamandar qazirdiń ózinde ınnovasııalyq oıynshyqtan jylyna 8 mlrd. dollar tabýdy josparlap otyr.
Talǵat Raıymbek.
Derek: «QazAqparat».
Sýret: glob-news.com.