Shymkentte polıseıler áleýmettik-aǵartýshylyq jobany iske qosty, dep habarlaıdy Polisia.kz.
Balalardy qorǵaý kúnine jáne Qazaqstan polısııasynyń 33 jyldyǵyna oraı, sondaı-aq “Zań jáne Tártip” qaǵıdatyn júzege asyrý maqsatynda Shymkent qalasynyń polısııa departamenti “Polıseı bolǵym keledi!” atty biregeı áleýmettik-aǵartýshylyq jobany iske qosty.
Jobanyń basty maqsaty — balalardyń quqyqtyq sanasyn qalyptastyrý, zańǵa jáne tártipke degen qurmetti sińirý, sondaı-aq polısııa qyzmetine qyzyǵýshylyq oıatý. Bul joba Arbatta, ıaǵnı qala turǵyndary jıi serýendeıtin qoǵamdyq orynda ornalasqan ınteraktıvti fotozona túrinde usynylǵan.
Fotozonada polısııa qyzmetkerleriniń sılýetteri beınelengen, al balalar sol beınelerdiń bet tusyna óz júzderin qoıyp, sýretke túse alady. Osylaısha, olar ózderin naǵyz quqyq qorǵaýshy retinde sezine alady.
Bul tek este qalarlyq foto túsirý múmkindigi ǵana emes, sonymen qatar bala sanasyna mańyzdy róldi – qoǵam tynyshtyǵyn kúzetetin polısııa qyzmetin beıneli túrde uǵyndyrý tásili. Uıymdastyrýshylardyń aıtýynsha, osyndaı bastamalar óskeleń urpaqqa durys baǵyt-baǵdar berip, zań men tártipke degen qurmetti tárbıeleýde úlken ról atqarady.
”Polıseı bolǵym keledi!” jobasy maýsym aıy boıy Arbatta jalǵasady. Barsha ata-analar men balalardy osy qyzyqty ári taǵylymdy jobaǵa qatysýǵa shaqyramyz.