Qazaqstanda otandyq óndirýshilerdi qoldaý jáne jergilikti qamtýdy arttyrýǵa baǵyttalǵan jańa bastamalar júzege asyrylady. Bul týraly Úkimet otyrysynda «Kazenergy» qaýymdastyǵynyń atqarýshy dırektory Jandos Nurmaǵanbetov málimdedi, dep habarlaıdy Egemen.kz.
«Kazenergy» qaýymdastyǵy Úkimettiń jergilikti óndiristi damytýǵa jáne qazaqstandyq taýar óndirýshilerdi qoldaýǵa baǵyttalǵan saıasatyn tolyq qoldaıtynyn jetkizdi. Bul rette qaýymdastyq kvazımemlekettik sektor ókilderimen offteık kelisimsharttar jasasý arqyly naqty qadamdar jasap jatyr.Jandos Nurmaǵanbetovtiń aıtýynsha, búginde «QazMunaıGaz», «QazaqGaz», «Qazatomónerkásip», «Samuryq-Energo», «KEGOK» kompanııalarynyń qatysýymen jalpy somasy 150 mlrd teńgeden asatyn 302 kelisimshart jasalǵan.
Qaýymdastyq aldaǵy ýaqytta da otandyq taýar óndirýshilerdiń múddesin qorǵaýǵa, olar úshin jańa múmkindikter ashýǵa jáne salany júıeli túrde qoldaýǵa nıetti. Jańa bastamalar aıasynda satyp alý prosesteriniń ashyqtyǵyn arttyrý men uzaq merzimdi áriptestik ornatýǵa erekshe mán beriledi.
Alına QAIRATQYZY,
EUÝ 2-kýrs stýdenti