Prezıdent Qasym-Jomart Toqaev XVI Karl Gýstavty Shvesııa Koroldiginiń Ulttyq kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
«Bul aıtýly mereke shved halqy qadir tutatyn birlik, tarıhı mura jáne berik demokratııalyq dástúrler sııaqty qundylyqtarmen úndesedi. Sizdiń dana basshylyǵyńyz arqyly elińiz aldaǵy ýaqytta da ornyqty damý men jańashyldyqtyń ozyq úlgisin kórsete beretinine senimdimin», dep jazylǵan jedelhatta.