Aýyl sharýashylyǵy mınıstrligi úıirli shegirtkelerge qarsy hımııalyq óńdeý jumystary josparlanǵan kólemniń 80,1 paıyzy, ıaǵnı 1,7 mln gektar jer óńdelgenin habarlady, dep jazady Egemen.kz.
Osy baǵyttaǵy jumystar Túrkistan oblysynda máresine jetip, 371 myń gektardan astam alqap óńdelgen. Al Jambyl oblysynda 81,3 myń gektar jerge hımııalyq óńdeý júrgizilgen.Elimizdiń taǵy 13 óńirinde óńdeý jumystary jalǵasyp jatyr.Aqtóbe oblysynda – 351 myń ga, Qostanaı oblysynda – 345,7 myń ga, Batys Qazaqstan oblysynda – 177,5 myń ga, Qyzylorda oblysynda – 58,6 myń ga, Qaraǵandy oblysynda – 34,2 myń ga kóleminde kúres sharalary júzege asyrylǵan.Shegirtkege qarsy jumystarǵa 443 birlik arnaıy búrký tehnıkasy tartylǵan, onyń ishinde 24 ushaq, 49 ushqyshsyz ushý apparaty jáne 30-dan astam asa jeńil avıasııa tehnıkasy bar.Mınıstrlik áleýmettik jelilerde Atyraý, Batys Qazaqstan jáne Qostanaı oblystarynda shegirtkeniń jappaı qaptaýy týraly beınematerıaldardy tekserý bastalǵanyn málimdedi.