Sıfrlyq damý, ınnovasııalar jáne aeroǵarysh ónerkásibi mınıstrligi men SpaceX kompanııasynyń qurylymy Starlink-pen ózara yntymaqtastyq týraly kelisimge qol qoıdy. Bul kelisim Starlink kompanııasynyń elimizdegi zańnamalyq talaptaryn saqtaı otyryp, el aýmaǵynda spýtnıktik ınternet qyzmetterin usynýyn qamtamasyz etedi, dep habarlaıdy Egemen.kz.
Qujatqa sáıkes, 2025 jyly Starlink spýtnıktik termınaldarynyń resmı satylymy bastalýy qajet. Osylaısha, Qazaqstan halqy álemniń kez kelgen núktesinen joǵary jyldamdyqty ınternetke qol jetkize alady.
Joba shalǵaı eldi mekender men ınternet jelisi qoljetimsiz aımaqtardy joǵary sapaly baılanyspen qamtamasyz etýge baǵyttalǵan. Bul qadam elimizdiń sıfrlyq ınfraqurylymyn damytýǵa jáne aqparattyq tehnologııalardyń qoljetimdiligin arttyrýǵa septigin tıgizedi.
Alına QAIRATQYZY, EUÝ stýdenti