Memleket basshysy ExxonMobil korporasııasynyń basqarma tóraǵasy jáne bas atqarýshy dırektory Darren Výdsty qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesýde energetıka jáne munaı-gaz salalaryndaǵy ınvestısııalyq jobalardy júzege asyrýdyń qazirgi jaı-kúıi men perspektıvasy talqylandy.
Qasym-Jomart Toqaev ExxonMobil korporasııasynyń el ekonomıkasyn damytýǵa qosqan úlesine joǵary baǵa berdi. Sonymen qatar atalǵan kompanııany Qazaqstannyń energetıka sektoryndaǵy negizgi ári senimdi seriktesteriniń biri retinde atady.
Prezıdent munaı-gaz salasyndaǵy birlesken qyzmet aıasynda kómirsýtegi óndirisiniń kólemin ulǵaıtýǵa baǵyttalǵan jobalardy júzege asyrýdyń mańyzyna toqtaldy. Sonymen qatar elimiz korporasııamen yqpaldastyqty odan ári tereńdetýge jáne óndiristiń tıimdiligin arttyrýǵa múddeli ekenin aıtty.
Darren Výds Teńiz, Qashaǵan jáne Kaspıı qubyr konsorsıýmy jobalaryn tabysty júzege asyrýǵa qolaıly jaǵdaı jasaǵany úshin rızashylyǵyn bildirdi.